Radio sandiwara.
Sinopsis.
Tekad
Dening : Anastasia Yuni Anindita
Ani, bocah wadon kang pinter lan sregep ing
sekolahan. Ora mung ning sekolah, ning ngomah Ani uga sregep. Dheweke anak
nomer siji ning keluargane, dheweke nduweni adik 2. Sing cilik durung sekolah,
umure kira-kira 3,5 taunan, adike sing gedhe wis sekolah SMP kelas 1. Ani dhewe
wis arep ngrampungake sekolah SMA.
Ning sekolah Ani tergolong murid sing
pinter, dheweke mlebu ing jurusan IPA, wis kerep dheweke menangake juara
lomba-lomba olimpiade. Ani uga disenengi kanca-kancane, sanajan ta Ani anake
wong ra duwe, tapi kanca-kancane bisa nampa dheweke apa anane.
Wong tuwane Ani pekerjaane buruh tani,
yaiku gaweane garapake sawahe wong liya, opahe ora sepiraa. Kanggo nyukupi
kebutuhan sadina-dinane kadang kala isih kangelan. Untung wae Ani lan Sinta
adhine, saben sekolah mesthi entuk beasiswa merga kapinterane.
Kajaba kuwi Ani lan Sinta saben sekolah
sinambi adol jajanan sing digawekake ibuke, kaya arem-arem lan jajanan pasar
liyane. Ani babar blas ora isin menawa sekolah kudu dodolan kaya mengkono.
Miturut dheweke selagi kuwi ora nglanggar peraturan lan ora haram, dheweke ora
isin. Hasil dodolane mau separo diwenehake ibuke separone dinggo Ani tuku
kebutuhan sekolahe.
Nalika bubar ujian, Ani kebingungan kudu
lanjut sekolah maneh apa ora, sebabe menawa lanjut sekolah maneh wong tuwane
mesthi kangelan kanggo golekake biayane, merga biaya kuliyah kuwi ora
sethithik.
Ani nyoba ngomong karo wong tuwane
babagan kuwi mau. Wong tuwane Ani nyanggupi menawa Ani pancen kepengen lanjut
sekolah. Nanging Ani satemene mudheng menawa wong tuwa ne uga kebingungan kudu
golek biaya saka ngendi, merga pas kuwi lagi usum ketiga, akeh petani kang
gagal panen merga kekeringan.
Ani mesakake wong tuwane, banjur matur
maneh karo bapak ibune menawa dhewe ora sida nglanjutake kuliyah, nanging arep
kerja wae bantu bapak ibune. Wong tuwane Ani pecah tangise nalika iku, wong
tuwane ora ngira anake iku bisa nduweni pemikiran kaya mengkono.
Kebingungan Ani kuwi mau krungu
kanca-kancane, kabeh pada ra rela menawa Ani ora nglanjutake sekolahe merga
saking pintere Ani, dadi man-eman banget menawa ora lanjut sekolah.
Kanca-kancane banjur ngomong karo gurune sing gemati banget karo murid-muride,
yaiku Bu Endang. Bu Endang banjur nyaranake supaya Ani melu daftar beasiswa
Bidikmisi.
Ani nuruti sarane Bu Endang, sabanjure
ora suwe ana pengumuman menawa Ani ketrima ing jurusan Matematika Universitas
Negeri Semarang kanthi jalur bidikmisi. Bungah banget pangrasane Ani nalika
dheweke ngerti yen ketampa. Banjur dheweke age-age bali ngomah kanda marang
wong tuwane. Ora beda karo Ani bapak ibne Ani uga seneng banget krungu kabar
kaya mangkono.
Akhire Ani bisa kuliyah ing Universitas
sing negeri kanthi jalur bidikmisi, dadi wong tuwane Ani wis ora
bingung-bingung maneh bab biaya. Ani ora lali ngucapake puji syukur marang
Gusti lan kanca-kancane sing wis mbantu Ani daftar kuliyah. Kajaba kuwi Ani uga
ngucapake matur nuwun marang gurune kang gemati banget karo Ani yaiku Bu
Endang.
Tidak ada komentar:
Posting Komentar