Geguritan : Permen Karet

Permen Karet

     

Nalika aku lagi ning awang-awang

Ati iki tansah bungah, bungah banget

Aku disanjung-sanjung

Jenengku, wahh…

Gagah, endah lan prasaja

Nanging !

Kabeh kuwi mau amung sawetara !

Aku gur kaya digawa ngimpi

Ngimpi sing ora ana bacute

Aku iki sapa ??

Hee… !!! para mudha-mudhi !!

Apa aku iki gur kaya permen karet ??

Disesep, dirasakne, banjur…

Yen uwis ora ana rasane, terus dibuwang ??

Dilepeh sak enggon-enggon !!

Remuk atiku…

Duh..gusti..

Sapa maneh sing gelem nguri-uri aku ??

Sapa sing gelem njaga aku ??

Aku iki jati diri mu ! Budayamu !

Dudu permen karet !